السلام عليكم ورحمة الله وبركاته ’’’
راح اقولكم مشكلتي مع شركة النايفات باالتفصيل ,,, واعذروني لو اطلت عليكم .
السكن / القصيم موقع الشركه الرياض
قبل شهر تقريبا 1/12/1433اتصلت على شركة النايفات قسم التمويل , وطلبت منهم تمويل شخصي وقلت لهم من البدايه انا عسكري والعمل عندي يرفض التعريف باالراتب الموجه للشركات او المؤسسات , يعطيني تعريف للبنوك فقط , قالت عندك بطاقه عسكريه ؟ قلت نعم , قالو مايحتاج تعريف بالراتب البطاقه العسكريه تكفي , قلت ممتاز ,قالو كم راتبك قلت 6080 والقسط 2000 واالصافي 4080 قالت الموظفه نعطيك 40 الف قلت طيب وش المطلوب قالت نرسلك استمارة طلب للعميل والكفيل على الايميل او الفاكس وتعبيها وترسلها لنا مع كشف حساب ثلاث شهور وبعد يومين اردلك خبر قلت طيب , جهزت الاوراق وارسلتها لهم وبعد اسبوع كلموني وقالو نعطيك 35 الف ونحسبها عليك 60 الف وستين ريال والقسط 1010 وانا بحكم ان عندي زواج ومحتاج مبلغ وافقت , قالو تجي للشركه انت والكفيل وجيب معك اثبات سكن والبطاقه العسكريه لك وللكفيل قلت طيب , وطلعت انا والكفيل للرياض وعطيتهم باقي الاوراق ووقعنا العقد وسويت لهم استقطاع من البنك , طلبو مني شيكات فقلت لهم الشيكات راح اطلبها من البنك (سامبا ) وراح توصل على البريد من 10 الى 15 يوم قالو ماعندك مشكله لما تجيب الشيكات تاخذ المبلغ , طلبت شيكات من بنك سامبا قبل العيد ب5 ايام تقريبا وقال لي موظف البنك انتظر 15 يوم (عمل)من غير اجازة العيد والخميس والجمعه , يعني يبغالهن شهر تقريبا فرجعت لشركة النايفات وشرحت لهم الوضع وطلبت منهم تاجيل الموضوع شهر بحد اقصى , قالو ماعندك مشكله لما تجيب الشيكات تستلم المبلغ , رجعت للقصيم ولم تصدر الشيكات الا بتاريخ 1/1/1434 كلمت الشركه وقلت لهم الشيكات وصلت قالو تعال بكره وعطنا الشيكات وستلم قرضك , قلت اوراقي عندكم كامله وسليمه قال نعم ناقص الشيكات فقط , اخذت الشيكات وطلعت للرياض ولما جيت الشركه قلت للموظف هذي الشيكات , قال طلبك ناقص , قلت ناقص ايش كلمتوني امس وقلتم شيكات فقط قال ناقص (تعريف باالراتب) الصراحه بكل هدوء سحبت اوراقي ومشيت وقلت حسبي الله ونعم الوكيل .
اترك التعليق لكم ,,,,,,,,,,,,,,,
المصدر: العقار السعودي - من قسم: تمويل شخصي
psfd hggi ugd;l dhav;m hgkhdthj